إنكان ماتدرين يابنت الاجواد=إنّك دواء عاشق ومغرم صبابه
بسبايبك مايهتني الشّرب والزّاد=يرقب رسول الودّ مادقّ بابه
ماجيت ادوّر حضرتك غصب وإعناد=إنكان مالك شفّ ماهي طلابه
أنا سواة الغيث في حثّ رعّاد=ماني سرابن يخدع إللي هقى به
أجود يوم الخبل واللأّش ماجاد=ولي لابتن وقت الطّلب حي لابه
يجهل علومي كلّ عائل ونقّاد=وإللي هجوسي تعجبه مرحبا به
ماني مسوّق هرج في سوق من زاد=لكل هرجه كنترول ورقابه
فطين مايلعب معي كلّ من راد=إللي يبروز صورته في ضبابه
بعض الكلام إيقال ماعنه نشّاد=وبعض الكلام إيدين شخص(ن)حكى به
قريت ماعندي على كل حسّاد=من يرقب العطشان لحظة شرابه
ماخفت من ناس(ن)يشيلون الاحقاد=والسيف أبو حدّين يزهي نصابه
والله لو إنّي في البلد حاكم(ن)ساد=لاأحرم كثير الناس زهرة شبابه
لكن ماعندي سوى الشّعر ميراد=أنا سواة المعدمين الغلابه
وصلاة ربي عدّ ماتذكر اعداد=وعداد ماهلّ المطر من سحابه
على النبي الهاشمي سيد الاسياد=والطاهرين آله وجمع الصّحابه

صح لسانك يابن الجنوب
قصيده من العيار الثقيل والابداع ليس بغريب عليك
مبدع دائماًً وقصائدك مثل الذهب

ابن الجنوب
حياك الله وبياك

شاعر مبدع هرم الشعر الاصيل
ابيات صيغت من ذهب بيد ماهر
ماشاء الله تبارك الله

تقبل مروري الخجل على صفحتك المضيئه
وشموخ ابداعك الغير مستغرب

تحيااااااااااتي