ياقرشد ما لليمين الصليبه الا يمين=
اعرف المقصود واللي تخافته القلوب=
انا ماني لا غشيمن ولا قلبي ذليل=
وانت رغم انك تصيب الهدف وتهد بيته=
ليش تاجي بالضعافه وتبدي لي بها=

يا رفيقي ما حسبنا هروج اللايمين=
غير بالدنيا علوماً تقلبها قلوب=
لو لبست القطن فالصبح والفولاذ ليل=
ما تعليّت الشجر من عروض وهدبيّته=
وش عليكم من حياتي وتبديلي بها=

ياقرشد لا شفت مثلك ترانا مسلمين=
وش معك زعزت عمرك من انسام الهبوب=
وانت لا راعي قباحه ولا معناز ميل=
وانت عندي مثل نور القمر قربه وفيته=
لا تصنع لي خطية وتاجيني بها=

لا تخف يا نيس حنّا ترانا مسلمين=
دام بيت الله بمكة مشرّف وله بوب=
لا تقل في زحمة القوم ما معنا زميل=
الزميل الوافي ان كان ينخاني وفيته=
عندنا لك مزرعة نخل تاجيني بها=

المشاركة الأصلية كتبت بواسطة قرشد (المشاركة 429546) عساك تسلم يا نيس الوفا والمجد لا تخف يا نيس حنّا ترانا مسلمين= دام بيت الله بمكة مشرّف وله بوب= لا تقل في زحمة القوم ما معنا زميل= الزميل الوافي ان كان ينخاني وفيته= عندنا لك مزرعة نخل تاجيني بها=