|
محاوره (غير شكل) وللسبيه خاص
كنت اشاهد شاعر المحاوره الكبير احمد الناصر واعجبني طرقه وقلنا نجرب ونغير الجو شويه وهات راسك يابو طلال ولاحد يفكه مني تكفون مطلوب من احبابنا الكرام التشجيع فقط كتجربه سلامً صدوق ونرسله عند الاصحاب رباع الغلا واهل الوفاء والجزالـــه ================ انا ياعلي قلبــــــي ضحيه للاحباب خسر مارجع له فود من راس ماله |
ملك الليل ذوق راقي واختيار للابيات مميز صح لساااااااانك وعلا شااااااااااانك وسلم بنااااااااااااانك ننتظر شاعر الذوق الرفيع علي السبيه الله يعطيكم العافيه جميعا |
اقتباس:
الله يعافيك يالغلا واشكرك على الدعم والتشجيع يشرفنا حضورك وتواجدك لاعدمناك |
مرحبا مليون واسعد الاوقات مجاراة شاعر مثلك متمكن
هلا باالقريب اللي حضر بين الاقراب= ويامسعد احضوره وياطيب فاله= .= سؤالك عنه قاضي المحبين ماجاب= يقول الهوى يشرح جوابه سؤاله= |
وانا فدى راسك ياشيخ سرى الليل سرى ترى العاشق الولهان مايقفل الباب بوجه الذي ينصاه واللي رجا لــه ================= وقلب المعنا من بعد قسوته ذاب على نظرة العشاق حالتــه حاله |
فداك اللاش يااستاذي
يزيد الغلا في قلب عاشق ولا غاب= وصورة حبيبه ما تفارق خياله= .= وفي دنية العشّاق ياكثر الاسباب= ترى الوصل له جاله وللهجر جاله= |
طيب طيب ياليل طلبت الدواء يوم ان لي قلب منصاب من اللـــــــــي عيونه بروزتها كحاله ==================== تكبر علي وزادني لـــــــــوم واعتاب طعن قلبي اللي كنت ادور دواء لـــه |
عسى الله يعين اللي تداوا ولا طاب= وكم حن قلبه للقمر واشتكا له= .= سقاه الهوى جرعه كم سم الانياب= وجوّه تكدّر واختلف ما صفا له= |
ملك الليل
علي السبية الله عليكم ما اروعكم واروع هذا الطرق صحت الالسن وتعاف الابدان واصلوا واصلوا لاخلا ولا عدم |
|
| الساعة الآن 12:24 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع