|
مرّيت صوب المقبره والحزن في قلبي ينوش
مرّيت صوب المقبره والحزن في قلبي ينوش=حزن اليتيم اللي غدا دمعه على خده رشاش ضمّيت قبر امّي وشلته باالحزن بين الرموش=وصار رمشي له غطا واجفون عيني له فراش وكن قلبي قبر داخل قبر واضلاعي نعوش=حنوطه اشواق الحنين وجلدي المنهك قماش حبّيت اقبّل كفّها اللي كان زاهي باالنقوش=وامسك تراب القبر واجهش باالبكاء الحارق جهاش والحال كنّه قد غدا مستعمره بين الجيوش=محبوس في سجن الابد تضرب له الدنيا طناش واجلس رهين الذكريات والوجد في راسي يشوش=وجد الحنين الخالد اللي له مهابه وارتعاش اتذكّر القلب الحنيّن واذكر الوجه البشوش=وقولة اصبر ياعلي كانت لها ابعمري انتعاش راحت وخلّتني وحيد اصارع انياب الوحوش=واموت منها كل يوم ولا مناص ولا مناش ما تجلب اوقات السعاده باالجواهر والقروش=ولا بفلّه فاخره والا مواتر في القراش مادام يحتم هادم اللذّات تنهار العروش=والى وقف نبض القلوب اقفت من الدنيا بلاش (علي السبيه) |
الله الله عليك يا شاعر جميل صــــ لسآآآآآآآنك يا الغلا ـــح و حي هـ المنطوق قصيده في منتهى الجمال والروعه تقبل مروري وسلامي ولك مني خالص الود آمير الكونــ |
الله يرحم امك ويسكنها في الفردوس الاعلى صح لسانك اخي ابوطلال صح لسانك ابداع تقبل مروري واحترامي |
صح لسانك يابو طلال والله يرحم والدتك واموات المسلمين تقبل مودتي وتقديري |
اقتباس:
تسلم ياامير الكون وصح بدنك ياالنشمي واشكرك جزيل الشكر على كلامك الطيب وتشريفك الغالي |
اقتباس:
الله بجزاك خير ياابو رنيم وصح بدنك ياالغالي واشكرك جزيل الشكر على تشريفك الغالي |
اقتباس:
حياك الله ياابو احمد ولله يجزاك خير وصح بدنك ياالغالي واشكرك جزيل الشكر على تشريفك الغالي |
صح لسانك وقصيدة رائعه من شاعر متمكن ..
واسأل الله أن يرحم والدتك |
اقتباس:
واشكرك جزيل الشكر على تشريفك الغالي |
| الساعة الآن 12:29 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع