مرّيت صوب المقبره والحزن في قلبي ينوش=حزن اليتيم اللي غدا دمعه على خده رشاش
ضمّيت قبر امّي وشلته باالحزن بين الرموش=وصار رمشي له غطا واجفون عيني له فراش
وكن قلبي قبر داخل قبر واضلاعي نعوش=حنوطه اشواق الحنين وجلدي المنهك قماش
حبّيت اقبّل كفّها اللي كان زاهي باالنقوش=وامسك تراب القبر واجهش باالبكاء الحارق جهاش
والحال كنّه قد غدا مستعمره بين الجيوش=محبوس في سجن الابد تضرب له الدنيا طناش
واجلس رهين الذكريات والوجد في راسي يشوش=وجد الحنين الخالد اللي له مهابه وارتعاش
اتذكّر القلب الحنيّن واذكر الوجه البشوش=وقولة اصبر ياعلي كانت لها ابعمري انتعاش
راحت وخلّتني وحيد اصارع انياب الوحوش=واموت منها كل يوم ولا مناص ولا مناش
ما تجلب اوقات السعاده باالجواهر والقروش=ولا بفلّه فاخره والا مواتر في القراش
مادام يحتم هادم اللذّات تنهار العروش=والى وقف نبض القلوب اقفت من الدنيا بلاش

المشاركة الأصلية كتبت بواسطة نمرغامد07 (المشاركة 519059) الله يرحمها ويسكنها فسيح جناته ويسكنكم سويا في الفردوس الاعلى مع من تحبوووون وصح لسانك موفق بإذن الله ... لك مني أجمل تحية .

المشاركة الأصلية كتبت بواسطة صقر الجنوب (المشاركة 519163) عميدنا الغالي صح لسانك وبدنك الين ربي يجمعكم في الفردوس الأعلى مالك الا الصبر ياعلي .. نسأل الله من فوق سبع سموات أن يرحمها ويغفر لها وان يكرم نزلها وأن يبدل سيئاتها حسنات . ما أجمل الوفاء الذي اصبح نادر وانت منبع الوفاء والطيب .. الله يجزاك خير ويكتبها في ميزان حسناتك