في ليلة العيد .. شفت الموت نادانـي=
بأسباب طفلٍ صغيـر السِّـن ماهمّـه=
جاني يعايـد .. وليتـه راح ماجانـي=
نقّض جروحي .. وهي يادوب ملتمّـه=
من يوم شفته ..دخلْـت بعالـمٍ ثانـي=
قَلّبت فيه النظـر .. والعيـن مهتمّـه=
سألت الأطفال ( هاني ! ولْد أبو هاني )=
من هُمْ خواله ؟ .. وجاوبني ولد عمّـه=
قال : إنت تعرف وكيل البِنْز الألماني؟=
اللي مسوّي فَرَحْ فـي قاعـة القِمّـه=
قلت : إييييه .. لبّى عيون اللي تبلاّني=
عيون هاني .. تذكّرني عيـون أُمّـه=
بكيت منهار مـن خفقـات وجدانـي=
وأضُمّ هاني بـدون إشعـور وأشُمّـه=
ريحة ثيابه .. تعيد الماضـي الفانـي=
وضِحْكها .. وإبتسامتها .. على فَمّـه=
أنا أشهد إنّـه جَـرَحْ قلبـي وبكّانـي=
وأنا أشهد إنّي مسحت الدمع في كُمّـه=
والموت لمّا سَحب نفسـه .. وخلاّنـي=
كنّه ذبحني .. ووجّهني علـى اليمّـه=
**

الله عليك...شدا السامي
قصيدة روعة وابداع من نوعه
صح لسانك وقلبك...
والموت ؟لما سحب نفسه وخلاني.... كنّه ذبحني ووجهني على اليمّه

رائع بروعة المرسدس الالماني
شدا الشامي صح لسانك ملاييييين

الله ... الله
صح لسانك ملاييين وعلا شاانك على القصيده
ابيات تخطت الجمال بجمال الاحساس من سحائب انفاسك المخمليه
بجد رووووعه تذكرني بقصه سمعتها زمان مشابهه بس بشي بسيط
بجد ااااابدعت تصوير ومعنى وانا عشت جوها الحزين
يعطيك الف عاااااااااااافيه وسلمت يمناااك ودام نبضك وبوحك الرااقي
تقبل مروري المتوااضع ..
لاهنت .....//

المشاركة الأصلية كتبت بواسطة سمّار (المشاركة 533291) الله عليك...شدا السامي قصيدة روعة وابداع من نوعه صح لسانك وقلبك... والموت ؟لما سحب نفسه وخلاني.... كنّه ذبحني ووجهني على اليمّه تسلم والله يالذيب...بس جهّز لك محامي ...شكل وكيل بنز بيرفع عليك قضيه

الله يسلّمك أخي الغالي سمّار .. لاهنت

وصح بدنك وقلبك

المشاركة الأصلية كتبت بواسطة بدوية (المشاركة 533294) أبدعت ؛ ؛ شاعرنا القــــديرقصيدة رائعه وحضورمميز صـــح لسانك وسلمت يمــينك ودمت بهذا التــألق تقديري

صح بدنك .. لاهنتي

دام نبض قلبك..

الله الله
روووووووووووعه
صح لساااااانك ملايين ... هنا شعر بصراحه وإمتاع

واحمد ربك انه وجهك على اليمًه ههههه
والمشكله ماهي هنا ... المشكله ان الولد بيعلم .. وتلك قصيدة أخرى ننتظرك وننتظرها

المشاركة الأصلية كتبت بواسطة الهجيــــر (المشاركة 533693) الله الله روووووووووووعه صح لساااااانك ملايين ... هنا شعر بصراحه وإمتاع واحمد ربك انه وجهك على اليمًه ههههه والمشكله ماهي هنا ... المشكله ان الولد بيعلم .. وتلك قصيدة أخرى ننتظرك وننتظرها