احيان يصدمنا الذي له في معاليق الخفوق
=حب بقى من كم سنه فينا علامه فارقه

الله من شي(ن) بصدري منك لو تدري
يفوق=
حره غدت بين الضلوع العوج نار(ن) حارقه

جيتك بعد ذيك السنين بشوق مايعدله شوق
=بعد القدر جمع قلوب(ن) من زمن متفارقه
كنت احسب انك لاقسى وقتي وناديتك شفوق=
وكنت احسبك لاحلك ظلام العمر شمس(ن) شارقه
شرقتني واتعبتني ولانلت من شمسك شروق = وغربتني في بحر ماترسى عليه زوارقه
اتعبتني ياوجد حالي وجد من عيا 
يروق=
دنياه لدت له وعينه بالمدامع 
غارقه

ان كان ودك تلمس جروحي ولالآمي تذوق=شف ذي سهومك من ورى حدب المحاني مارقه

قدمت لك طيبي بعد ما اهديت لك قلب رفوق=
فتَحت بابي مادريت بنية اللي 
طارقه


ماتدري انه في سلوم العشق عيب اللي يبوق=
اسلمتني للشك والحيره بحب سارقه

لابوك ياحب(ن) غدينا منه في طرد الحقوق
= لاصبت مزونه مطر ولا لاح منها بارقه
اما تجي وتبرر الموقف ولاعذارك تسوق=
والا تناسى مامضى واللي هويته فارقه

وسلامتكم

حياك الله وبياك
اخي الفاضل الشاعر
ذي يزن
نرحب بك اجمل ترحيب ونستقبلك في رباع
الخير والعطاء والشعر الاصيل بباقات الزهور
صح لسانك وسلمت يداك ابيات
ممزوجه بعبير الورد والجوري

الأخ ذي يزن :

أهلاً وسهلاً بك في منتدى رباع ,,

اطلالة رائعة منك أخي الكريم وننتظر منك المزيد ...

ذي يزن ما غيره ؟؟؟

هذا الشعر .. وهذا الهطول .. وهذه الفخامه تقول نعم

مرحبا ملاييييييييييين

وصح لساااانك مليارااات ...

شعر وإحساس حقيقي

إطلاله وبدايه فعلاً فارقه
كلمات في غاية العذوبة والجماااااااال
ننتظر المزيد من إبداعك أخي العزيز
وأهلاً وسهلاً بك في منتداك
ولك مني خالص الود
آمير الكونــ

الله الله الله
ماتدري انه في سلوم العشق عيب اللي يبوق
اسلمتني للشك والحيره بحب"سارقه

صح لسانك واعتلا شانك تقبل مروري واحترامي