العرب كانوا الاجناب ما يحسبون الهم حساب=
لين جتنا علوم التقنيه ضمنها هاتف وحاسـب=
تابعنا الغرب والعالم كما قيـل قريـه واحـده=
وانتشر شعرنا واصبح يتابع لنا شرقي وغربي=
فوق عشرين دوله كـل دولـه تقـدم لونهـا=
وموريتانيا يقلون عنها بلـد مليـون شاعـر=
لو بنحصي جنوب المملكه زود عن هذا العـدد=
مثل ما قال ابن هذال في سابق ابيات(ن) قديمه=
الوطن كلهم شعـار كـلا(ن)يقل مـا غيـر انـا=

ماشاء الله تبارك الله ابيات رائعه اعجبني مضمونها
صح لسانك وسلمت اناملك
بانتظار جديدك المميز

*=
الرد:إبن الجنوب=
*=
لا تضيع حساب امسي وبعدين ماتلهم حساب=
قبل تبدي على ريع الشقا دم باقدامك وحاسب=
لاتفرّق قلوب الناس مادام هي متواحده=
وانا وإن كنت مااضيق انتبه لاتمادى لاتغر بي=
اللي عيني تراهم دون في دون مايملونها=
مايموت اضمير انكان راعيه في ماسار شاعر=
واللي وده يحاربنا يقرب عتاده والعدد=
مايواجه قبيله واحدن عزوته نصلة قديمه=
والميادين ماتنكر ولا كل دهما غيرنا=

البدع : =
مرحبا وانت ريسنا وقولك ومقصودك صواب =
ما بدينا على ريع الشقا والدروب اللي نشايب =
الا نجمع قلوب الناس بألمعرفه والفايده =
لا تضايق وتسعى يابن الاجواد في ظلمي وحربي =
وعلوم الجفا والمحقره غيرنا يقلونها =
وانا وانته خطرنا سوق وافي عليه الكل خاطر=
ما خطرنا بميدان الحرايب وميدان الهدد=
ما ندور على التعبات والكيد وافكاراً عقيمه =
نهجنا مثل منهاجك وسيرك يوفق سيرنا =

*=
الرد:إبن الجنوب=
*=
انت منّا وفينا ياحسين ومرامينا صواب=
جدّك اللي بنى القاله ولا حبّ درب الّلين شايب=
وانا جدّي بنى تاريخ ماينّسي ولفى يده=
مدح الاثنين يدري به عتيبي وقحطاني وحربي=
الله ياكم قلوب(ن)لو بغت تعتدي يقلونها=
وانا ماجيت لجل أكسب عداوه واضيّق كل خاطر=
وانت شيهان ماخيّب هوى صاحبه يوم الهدد=
لاعدم ياشبيه السيل ذا ماترك للمنع قيمه=
شال قمّة صدر مزحك وذي عين والقاسي رنا=

الله الله الله

حسين المالكي
ابن الجنوب
هذا الشعر وهذي القصايد
صحت السنتكم ملايين