أعتذر والعذر يشرح ضيق صدري وإكتئابي=لو يكون الورد ما له عذر من قطر الندى
وإعتذاري مو لأني غبت ،،، لكن في غيابي=ربما غابت معي روح الشعر في المنتدى
مو غرور ،،، الكل شاعر ،،، منكم أتعلّم ،،، ومابي=تزعلون وتحقدون ،،، إلا الزعل جعله فدا
للعيون اللي رضاها مثل تستيرة ثيابي=لو تكشّفني هوى الغربي ،،، (كذا وإلا كدا)
ماشكرت إلا جناح الطير ودّاني وجاء بي=بعد ربّي ،،، كلما روّح بشعري أو غدى
من حناني كنّ بيت الشعر ناشي في رحابي=لين علّمت الهلالي سالفة طرق الحدا
والظروف ألدّ عدواني وصفحة من كتابي=كل يوم أكتب عليها (عود في عين العدا)
كم كتبت أبياتكم في حضن شبّاكي وبابي=من ترانيم المطر لين الهجير إلى شدا

صح بدنك أمير الكل ،،، تسلم ع مرورك العطر
وربي يسلمك ويخليك لعين ترجيك

عاشق القصيد ،،، تسلم وكلك ذوق
مرورك عطر ،،،

مرحبا مليوووون نورتي المنتدى
صح لسانك ملاييييين ياشاعرة الجنوب
سعدنا بطلتك وابداعك ونتمنى تواجدك الدائم

الله الله شاعرة الجنوب مرحبا ملاييييين ونورتي الحتّه

صح لسانك ملاييييييين على عذوبة الشعر والجمال..