|
توقيع بنت في إحدى المنتديات .
فيه واحد شاف توقيع بنت في إحدى المنتديات كاتبة : أبوي يذبح للنشاما مفاطيح وانا برمش العين أذبح نشاما فرد عليها يقول : أبوك نشمي عادته هبّة الريح يكرم الضيفان طبع الحشاما ما كل من حط اللثامة ذوابيح العنز يذبح رمشها في اللثاما إنتي اهتمامك فالشّـعَر والتّساريح والخافي أعظم من حلال وحراما ما غير أكل ونوم صرتوا دراميح متكمكمة كُـبر الجمل والنعاما بنات آخر وقت وعقولكن ميح أمثالكن نقرأ عليها السلاما العَـود في المسجد يصلي التراويح يطلب عفو ربه بشهر الصياما وإنتن مع السواق دايم مراويح يومي شليلك واللثايم تواما سوّاقكم يشكي على ابوك ويصيح يقول يا بابا ماذوق طعم المناما وبعض البنات لا والله إلا طحاطيح متحشمة ولها علينا إحتراما مما راق لي وحبيت نقله إليكم . |
متحشمه ولها علينا احتراما
الله الله صح لسان القايل .. وتسلم يمينك على النقل وتحبطتك العافيه لين تظلي عنتر 2012 ههههههههههه |
قصيدة حلوة واكيد الحشمة راس مال البنت وحلو النقد بطريقه لطيفه للوصول لنتيجة مرضيه وعدم الاستعجال لان البنت يمكن تقصد النشاما بالحلال لان النشاما طريقة وصولهم لبنات الناس بالحلال وليس بالاسواق تقبل مروري اخ طير بنفس حلوه الله يستر
|
تذكرت محاضرة للدكتور سعيد بن مسفر ينصح الشباب يقول لاتغترون بالبراقع ترى العنز لو برقعناها طيحت نص اللي بالسوق
|
| الساعة الآن 02:23 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع