أكاديمـيـة العرضـة الجنوبيــة - ربـاع

http://www.boswtol.com/sites/default...roz-blaban.jpg

زيّني الطاجن بالمكسرات قبل ما تقدّميه

النهارده طبق الحلو على "سفرة دايمة" هو طاجن الأرز باللبن، نتمنى إنكم تجرّبوه وتستمتعوا به معانا..

رز باللبن في الفرن
المقادير:
كيلو لبن
½1 كوب أرز
4 ملعقة كبيرة زبدة
2 ملعقة كبيرة نشا
ملعقة صغيرة قرفة
سكر حسب الرغبة
مكسرات مطحونة

الطريقة:
1- سخّني اللبن، واغسلي الأرز وضيفيه على اللبن وقلّبيهم كويس مع بعض، بعد كده ضيفي السكر والقرفة وقلّبي الخليط.

2- دوّبي ملعقتين النشا في نصف كوباية ميه، وضيفيها على اللبن والأرز، وقلّبيهم كويس لمدة 3 دقايق.

3- بعد كده ادهني الطاجن أو الصينية اللي هتعملي فيها بطبقة خفيفة من الزبدة، وصبّي فيه الأرز باللبن، ودخّليه الفرن على درجة حرارة متوسطة لحد ما وشّه يبدأ يحمرّ، وبعد كده ممكن تطلّعيه وتضيفي على الوش ملعقة كبيرة قشطة أو كريمة ودخّليه الفرن مرة تانية علشان تحصلي على اللون الدهبي، وبعد كده طلّعيه من الفرن وزيّنيه بالمكسرات، وقدّميه.. وبالهنا والشفا.

وبكده تكون خلصت وصفتنا النهارده..
استنونا بكرة مع وصفة جديدة..
سلام..