أكاديمـيـة العرضـة الجنوبيــة - ربـاع

حلوى التوفي البيتي

http://www.boswtol.com/sites/default...v/47/toffe.jpg

اعملي بنفسك حلوى توفي مميزة لأطفالك وضيوفك

النهارده هنقول لك على طريقة سهلة وبسيطة تعملي بيها حلوى التوفي المميزة، واللي بيحبها الكبار والأطفال..

حلوى التوفي
المقادير:
علبة لبن مكثف (متوفر في السوبر ماركت)
2 ملعقة عسل أسود
3 ملعقة حليب
2 كوب سكر
كوب زبدة

الطريقة:
1- سيّحي الزبدة مع العسل والحليب في حلة متوسطة، ولما يدوبوا خالص زوّدي عليهم السكر، وقلّبيهم على نار هادية لحد ما يبقى القوام متجانس، والسكر يدوب خالص.

2- لما السكر لونه يبدأ يغمقّ شوية ضيفي اللبن المكثف، وقلّبيه بسرعة مع الخليط، لحد ما يمتزجوا كويس، ويبدأ في الغليان، وبعدها اطفي عليه النار، وصبيه في قوالب تلج، وسيبيه لحد ما يبرد.. بعدها طلّعيه ببساطة من القوالب وحطيه في علبة أو برطمان وقدمي منه لأسرتك وأطفالك وضيوفك.. وبالهنا والشفا.

وبكده تكون خلصت وصفتنا النهارده..
جربوها وقولوا لنا على رأيكم..
واستنونا بكره مع وصفة جديدة..
سلام..