أكاديمـيـة العرضـة الجنوبيــة - ربـاع - يابنت انتي على بالك اباخذ من بنات الشات (روعة)

يا بنت أرجوك أنا ما اقدر كفاني ماضي الغلطات = أخاف الله يعذبني وأنا خواف يابنيه

وأخاف بساعة اللذة يجينا هادم اللذات = وياخذ من حشى جوفي بقايا روحي الحيه
أنا ليّه ثمان اسنين وانا مدمن على الشهوات = ديار الفسق حاستها مواطي تحت رجليه
عيوني من كبر همي تخلط الدم والعبرات = مسيل الدمع من عيني حفر بالخد ماريه
صحيح انك جميله بس تبنا من هوى الزينات = تركنا الحب غصب وطوع للعين الشقاويه
يابنت انتي على بالك اباخذ من بنات الشات = اجل مجنون انا يابنت اشيل العقل بيديّه
ترى اكبر شيء يربطني معك جوال ابو شاشات = وهاتف ينقل اشواقي على نبرات سلكيه
وترى كل العلوم اللي عطيتك بالهوى كذبات = وحتى دمعتي يوم الفراق الصعب كذبيه
هذاك اليوم ما هلت عيوني لجلك الدمعات = لأن الدمع ما ينثر بقصة حب وهميه
انا اضحك معك واضحك منك وعليك اكثر الضحكات = كأني بالهوى جني يعبي راس جنيه
وانا ماني بخكري يلبس القمصان والشرتات = ويفرح قلبه المسكين اذا حب الدوينّيه
أنا من لابةٍ أروت ضمانا سيوفها الغزوات = خلايا جسمنا عاشت على دم القبيليه
ودهنتي شعرك الاسود بألوان من الصبغات = وعيت تقبل الصبغه ملامحك الخليجيه
وحشرتي ردفك المسكين بالبنطال والجنزات = خلاقين تصنعها مزاجات اليهوديه
عشاني ميت في ثغرك الأحمر ابو لمعات = تحسبيني ابرضخ لك لأن إشفاك ورديه
ورب الكون مأرضى فيك لو انك شيخة الحلوات = وإذا صمل على العلم اكب ارض السعوديه
يابنت الناس عزك في سوادُ يستر العورات = وعزي في شماغ احمر وثوب ابيض وطاقيه

سعوديين نفخر في عبايات السعوديات = نغض الطرف إجلالُ إذا شفنا السعوديه

منـــــــــــــــــــــــــــــــقول