أكاديمـيـة العرضـة الجنوبيــة - ربـاع

هذه اول تجربه لي في هذا اللون اتمنى ان ينال اعجابكم.

في شهر سته كنت طالع من البيك=في موتري سرحان واعدل اعقال

وصوت المسجل يطرب اللي يناجيك= ماكنـت اطالـع دام فيـروز شغـال

وفي ثانيه واصدم كرله بها كيك= في الخلف والسواق من جنس نيبال

قالت لي الكيكه عسى الله يعميك =ماتلتفت وشفيـك ؟ ماشفتكـم قـال

قلـت ابشـري باللـي تبينـه وبعطيـك=واصـلَـح المـوتـر عـلـى ايَــة احــوال

واعطيتهـا كـرتـي وقـالـت لـراويـك= كــان امتـحـان وصوبـهـا كـنـت مـيـال

كتبت شيك وقلت له ليـه اداعيـك= وانـا الـذي مخطـي ولاعنـدي اعـلال

قالت نبيهـا كـاش مانقبـل الشيـك= واعطيتهـا باسـرار منـي وفـي الحـال

وشـفـت بـيـده خـزنـةً تـشـبـه الـديــك = اكـيــد تـاخـذهـا لتجـمـيـع الامـــوال

قـالـت حـكـي يـجـرح ونضـراتـهـا هـيــك= اكـيــد يـانـصَـاب واظـــن مـحـتـال

ماقلـت غيـر الله عسـى الله يهديـك= ياللـي علـى مثـلـي تكـبـر وتخـتـال

لـو تلمـس ايديهـا العطـر ينقطـع فيـك= قوامـهـا فـتـان وعيونـهـا اكـحـال

صدَيت وانـا اقـول يازيـن عينيـك= والَا علـى الكبـوت قطعـه مـن الشـال

اخذتـهـا قـلـت احتـفـظ بــه وغنـيـك = وجــرَ بــك شـعــري اغـانــي ومـــوَال

ودقَـت بـعـد يومـيـن وتـقـول اباجـيـك= ارد لــك الـلـي اخـذتـه مــن الـمـال

عيَيَت قالت لي عسى الله يغنيك = من وين لك رديت انـا سيَـد اعمـال

قالت تفضل عندنا البيت اعشيك= نحكي شوي وتشوف بي حبة الخال

حتى يديني ودها تلمس ايديك= وابغاك تحكي لي قصـص شـي وامثـال

وانا هويتك حب صادق وانا ابيك= وقالت لي انا آمال وانته على البال

وتقول لـي انـي احبـك وانـا اغليـك= ولا ضاقـت الدنيـا تـرى جنبـك آمـال

صرخـت فيهـا قلـت يازيـن مبغيـك= ماريدكـي ماطيقكـي ويـش الاهمـال

قالت افضفض لـك حياتـي وسليـك = وتقـول لـي مابيـك والدمـع همَـال

تبيـعـنـي وانـــا الـتــي كـنــت ابـشـريـك= حــــرام مـاكـلَـمـك يـاطـيَــب الــفــال

جلست فتره قلت ابو الشال ناسيك= ودقت عليَه بنت تسأل عن الحـال

اثـاري انهـا اختهـا قلـت وش فيـك*= قـالـت تـعـرف آمــال ياسـيَـد اعـمـال

ماتـت قبـل اسبـوع مـن كثـر تبكيـك= واعطتنـي الخزنـه ورسمـه وجــوال

ودايم تقول افديك ياعمري افديك= وان مت موتي من سبب حب رجـال

قريـت لـي جملـه علـى خزنتـه ذيـك= العـشـق مـالـه حــل والـحـب قـتَـال

فتحـت خزنتهـا وحصَلـت لــي شـيـك= الشـيـك ذاك الـلـي عطيـتـه ولا زال

حلفت بالله لحتفظ بك ولا ارميك= ولا اصرفك ذكـرى معـي طرفـة الشَـال