يسأل الظبي او يقول=وش كثر حبيتني
قلت وانا في ذهول=يا الظبي حيرتني
لو سألت اعن الفلول=كل حج ريحتني
لو سألت النحل حول=كل زهره يجتني
كان عديت النحول=والزهور المنحني
لو سألت الناس ذول=كم يعيش او كم فني
كان جاوبت ابقبول=بالعدد وبكم سني
والا كم بالبحر لول=او بعد كم مقتني
لو سالت الارض طول=وكم عماره تنبني
والا كم عدي الخيول=او عددها املوني
والا كم عزفت طبول=في حروب امدندني
اي سؤال ممكن اطول=الأجابه واعتني
بس حبك شي يهول=داخلي وامحصني
شي ثابت ما يزول=عشت فيه او عاشني
منك انا قلبي جفول=تسأل او جننتني
يوم تسال في خمول=يالظبي روعتني
كل شيء لي به اصول=اعرفه متمكني
الا حبك به جهول=داخلي وأسلتني
انت مجنون الفظول=بالسؤال احرجتني