الخوف خلى الراهب ايسمي=ويعرف الكوثر والاعرافي
لاهو مع المسلم ولا الذمي =ميل مع الشيعه في الكافي
بعض البشر لو كان ينطمي =وايقول يالله يارب اللطافي
مثل الحيايا نابها سمي=متلونه ملوعنة اجدافي
مسكين ما يدري ومنعمي=خايف تروح الروح خطافي
اما المراجل خلها لمي =هي لي وانا في بيتها لافي
العلم لميت ابيدي لمي=والحق عندي خير الاوصافي
اعطي رفيقي وافدي ابدمي =طبعي واخذته ورث الاسلافي
والعقل نعمه منه منعمي =والعلم لي مركب ومجدافي
مانقبل الا العدل في الحكمي=والحل كامل ما اقبل انصافي
واللي الكلام اتقول واترمي=يمشي مع تياره اجحافي
راعي الجهل بالجهل منخمي=متناقض المعنى ومتجافي
به علة المجنون منجني=وده يواجه بحر وايكافي
اصون حرفي فيه وادمي=اثره يحوك السم متشافي
يرمي العوايد ثم يردمي =ساحر ولدساحر وعرافي
الحرف عنده يحسبه كمي =والكيف ينسى رسمة الكافي
وانا وشمت القاف في كمي =حرفي بلون الصدق طوافي
بالفن حرفي قام يعتمي=مشاعري في حرفي الدافي
اقرا حروفك كلها نمي =فيها تناقض والشتا اصيافي
حرفك بهت والوزن معتّمي =واللحن فيه اتكلف اكلافي
ما تعرف ان النضم ينضّمي =والبدر لاهل الأرض ينشافي