الحقد
بعض الخلايق يحسب الحقد ناموس
ينضر في العالم بنضرة زريًة
لوكان تكتب له من الحب قاموس
والا تقدَم لها حياتك هدية
يمشي وكنَة لسَلاطين قابوس
متكبَرن ما يحسب الناس زيَة
يدرج بهندامةعلى شكل طاووس
والغيض يشقص من عيونة شضيَة
يشوف راسة مستقلَن عن الروس
من زود نفسة ما يرد التحيَة
كنَة علية من الطواغيت هاجوس
اشغلة مابين العشاء والضحيَة
حقدة دفين وفين ماراح منحوس
جثمان ميت شالتة روح حيَة
ماهوقنوع الا شفوقن ومهووس
عينه على ارزاق الخلايق قوية
ودة يدوس على النعم باالقدم دوس
عشان ماتبقا لغيرة هنية
قلبة على احوال المخاليق جاسوس
يفرح بصكات الفتن والقضية
لوكان تشرا ضيقة الناس بفلوس
ينفق لها ميَة و ميَة و ميَة
له من ثياب الكبر والزود ملبوس
كل الخلايق في عيونة ردية
شعر/علي السبيه
|