مرحبا ياالشاعر اللي مابنلقـا لـه سميـه=شاعرن يجبرك تنصت للقصيـده لاذكرهـا
لاترنّـم باالمعانـي والحـروف الابجديـه=فاق عن كل الجمل من مبتداهـا لا خبرهـا
ماتغزلنـا بنضـرات العيـون المنعمـيـه=الغزل في كحل عينن رمشها يقرب خطرهـا
لاتلوم القلب صابه طعنـة الرمـح القويـه=واللي قلبه مات حسه قد لقت روحه عذرهـا
والعيون اللي على شوف الخطا والسوءجريه=لوتشوف الارض ماتفرق حجرها من مدرها
لو مشاعر خاطري عن شوف عيني مختبيه=كان ماقلنا القوافي في القصيـد ولا نثرهـا
انا صفيت القوافي مثـل صـف العسكريـه=امرها باالغصب نافذ ماحد ابيعصـا امرهـا
لاسرت من خاطري تندب كما ندب السريـه=بعد مادقو طبول الحرب والفـارس شمرهـا
كان لي حبر القلم في كـل دفتـر منهجيـه=وكانت اوراقي قنادل حرفها يضوي سطرها
ماشكيت ولابكيت علـى الحظـوظ العثريـه=زان حضي والسعاده يحتوي قلبـي قدرهـا
فاالعيون النرجسيه لي محـل ولـي هويـه=فاالعيون النرجسيه ليلتـي يهنـا سمرهـا