اعقد تحدي معى اظروفي واعاديها=وارفض لو النار في قلبي تغلى به
مارضى بسلبيتي وارفض اما ديها=الموت عندي ولا سلبي بلا هابه
الروح لو نار هم الوقت كاويها=اعلن شموخي بنفسي واتعلى به
تنزف جروحي وانا بالصبر اداويها=وازداد قوه بنزف اجروح صبابه
ادري مع اظروفنا ناسٍ تخاويها=واتسير في صفها للشر حبابه
ايامي اعدها واحسب ثوانيها=واقسم همومي وكلٍ ياخذ انصابه
تمر الايام معلنةٍ تساويها=والهم في داخلي يقطع بمخلابه
الناس ضدي وانا اقاوم بلاويها=افخر بصبري الا قلبي تحلابه
الناس تحكي ولا تترك مساويها=الشمس بعيونهم تخدع وكذابه
مادام روحي تسليني واسليها=ماهمني الناس لو بالنار شبابه
القوه لا شبكت في يدي ايديها=الهم ادوسه برجلي واتوطا به
ناوي ظروفي وناوي الناس ناويها=اقتل ظروفي وغدر الناس تغصى به
مادامت الروح حيه والنفس فيها=االصبر زادي وفخري واتغنى به
سارت ظروفي على كيفي واحنيها=مستسلمه راكعه عندي وطلابه
انا اشهد ان الظروف اصبحت لاويها=بالصبر طفيت نار اظروف لهابه
وش هي الرجوله وذل الوقت كاسيها=اشرف لنا لو يغطى الراس بترابه