الــــــــــــبـــــــــــــدع
*

الله يالمرسـدس مقـواه عـرض التلـف يتلزمـان
جا من المانيه مامون للمينـه ماجـا مـن جكرتـا
ينقل اكبر حمل والونش عرض الجنـوب افرايضـه
وان لقي اربع مية قنطار في عرض دربه والف قاري
ينتقلهـم ومـن صوتـه يبـت الجمـال اعقولهـا
انت مامون يابـو سبـع مينـات دايـم علمـه اول
وان مضـا دهنـة الصمـان قبلـه يجبلهـا جبـال
وآتبصـر سبـاع الارض قـدام عيـنـه عثـريـه
وان مضـا واديٍ مايفتكـر غـزر سيلـه والنجيـل
خذ كلام الشـرف والصـدق لاتنتحـي علـمٍ ملـوٍ
اعترف للاسد والنمـر والفهـد والسبـع اتقـرون
الله يـالـمـرسـدس دايــــم تـلازمـانــي
يعجـبـك لاشـغـل الـبـوري وشعـمـل بــه
يـدري عـن الـدرب مـن شامـا ومـن يـامـن
والىشـمـر عــن هــوام الـبـر عـدانــي
وسـايـق الــدوج وســط الـغـم ضعيـونـه

*
الـــــــــــــــــــــــــرد
*
يالرفاقه افتكر فيما مضى اول وعند اتلـى الزمـان
امـا قـدام مانلمـح لمبنـى الجـدار ولا جركرتـا
اشتغلـنـا بـذكـر الله كــلٍ يقـيـم افرايـضـه
واليـوم الله زود نعمتـه للتـجـاري والفـقـاري
زادت ارزاق خلـق الله وقامـت تـقـل اعقولـهـا
وابتلينـا بدعـوةٍ مومـن مثلمـا قـد قـال الاول
وصرحنا ننقب عـرض الاريـاع واركبنـا الجبـال
وتركنـا المـزارع كلهـا المسـقـوي والعثـريـه
ونسينـا نبقسـر بالعقيلـي ومـحـلا والنجـيـل
اشغلتنـا الملاهـي واللعـب والتلفـزون الملـون
والوظايف هبت في راس بعض العرب سبعة قـرون

الله يـحـسـن لـنــا تـالــي تـلـزمـانـي
اللـي عـلـى لاش يكرهـنـي وشعـمـل بــه
ذالـوقـت يتـهـول المـامـون مــن هـولـه
فيمـن يثـق فــي تلزمـانـه ومــن يـامـن
بــرع قــلال الـمـروه وبـــرع الـدانــي
والكـفـو قـصـر يـديـه وغـمـض اعيـونـه