لوخيال الطفل عانق قلب شايب=كانت عينه قبر واهدابه نصايب
ولو جموح الشوق تثنيها العقايب=مابكت عين القريب على القرايب
ولو تجلت فوق الامتان الذوايب=كانت اللهفات والحرقه ضرايب
غير لو داعب شعرها كف خايب=لاعجب مادمت في وقت العجايب
ولو تهز العاطفه قلوب الحبايب=شدت اقلوب المحبين الركايب
والليالي ماتضي والبدر غايب=ولا تعوضه النيازك والشهايب
ولو من اجيوش الهوى تزحف كتايب=تهدم الاصوار وتفرّق كثايب
ولو صفي ود القلوب من النوايب=مايشوبه من غثى الدنيا شوايب
ولو تشب النار وتثور الحرايب=ماماتورّث للعباد الا المصايب
والمحبه تنهب العاشق نهايب=والمحب اتولّع اشواقه لهايب
وبه قلوبً في نواها الحب ذايب=وبه قلوبً خاليه مثل الخرايب
والربيع يغني الحان السحايب=والورق يرقص على عزف الهبايب