يااحفاد خالد وينكم القدس يصرخ من عناه=تجبرو وتكبرو فيه اليهود الغاصبين
هبّو وقومو للجهاد وحاربو القوم العداه=الى متى يبقى رهينه في يدين المعتدين
ياثالث البيتين واول قبلةً لهل الصلاه=ياموطن الاعراج والاسراء لسيد المرسلين
شعب اليهودي ياعرب ظلمه وصل لامنتهاه=ودنّسو ارض الانبياء وشرّدو الشعب الحزين
وش حيلت اطفال الحجاره ياعناهم ياعناه=راحو ضحايا وارضهم عادت لهم قبر وكمين
القدس له خمسين عامً يشتكي ظلم الغزاه=وش نعتذر لو سالنا عاالقدس رب العالمين
المسجد الاقصى مناره عادت اهداف الرماه=الطاهر اللي دنّسته ايد اليهود الظالمين
والشعب راحو من عناهم مثل شعر على المياه=والحومهم راحت غنايم لليهود الجايعين
وفتك عرضه واغتصاب ارضه وسفكً في دماه=والمجتمع الدولي المزعوم عنهم غايبين
في كل يومً مجزره تروي اليهودي من ضماه=وحال العرب تذرف له الدمعه وينداه الجبين
ايتام تتيتم وارامل رمّلت والشعب تاه=والموت يطردوهم وعادو للقدر مستسلمين
لاحول لاقوه ولا صوتً يلبا له نداه=تحت المذله لانصير من العباد ولا عوين
مليار مسلم ماوراهم فايده مثل الغثاه=ياحيف ياذل العروبه ياهوان المسلمين
دارت علينا الدايره واخذ اليهودي مبتغاه=غصباً عن انف القاده اللي عاالكراسي خايفين