|
رفيف .. روبي .. ماريه..الاحساس ورطه/وصايف تهامية
تحية طيبه نقيه من قلب وصايف تهاميه تصبحكم و تمسيكم بالخير جميعا .......... بعد غياب عدت هنا ان كان فيكم من لا يزال يذكر ( وصايف تهامية ) اتواصل معكم بقصيدة هي من أواخر ماكتب تقريبا آمل ان ترضيكم :
الاحساس ورطه:
لا غدى الاحساس ورطة و ما لأمه داعي
العذِر للخافق اللي حب فوق الميَّه
حب هذي و عاف هذي وذي دوا الاوجاعي
وذي بغاها و ذي نواها بس هي جديَّه
في ضميري ثار شي و قام يلوي ذراعي
يا ألبي يا ألبي و قمت البي و بيه
القصا ـ و الله يعلم _و استجبت الداعي
دام باقي في ضميري نزعةٍ دينية
يا ظبي حذراك تامن لو لشبك الراعي
بالحرام ان جاع فابشر جاتك الجنبيه
في زمن يالله سترك راعنا و ارتاعي
في زمن أكبر بلانا هالقلوب الحيه
اللي لازالت ترامى في بحر خداعي
ماخذه اسم المحبه حلةٍ وهميه
ماشيه بسكة رفيف و ضاع منهو ضاعي
بعد ما سوتها روبي و كمَّلت ماريَّه
ابك انا أيوووه قلبي علمته اوجاعي
ان لو في الحب خيرٍ ما يجيك بسيّه
ما اقول اني ملاك و كامله باطباعي
و لا خفوقي شي نادر ما لمؤمن زيّه
بس انا من جد قلبي ممتنع لو جاعي
ما يسد الجوع باللي سد به ذوليّه
قانعٍ لو هو تولع ما يجي منصاعي
لين ياتي له عفيفٍ يستحق الجيه
لو هفا مره اجيبه غصب و الا اقناعي
الحقه من قبل يخطي و اقبره بيديَّه
و ان بلاه الله بحبٍ قمت اشد شراعي
و ارتحل به عن حبيبه لو هو ساكن فيّه
زورقي ديني .. و يقيني بالإله ذراعي
و البحر مهما لعب بي يلطف الله بيَّه
خاتمٍ مطلي مقلد ما يجي باصباعي
يا يكون الماس حرٍ و الا ماهو ليَّه
معصبي عزة خواني و طيب ابوي قناعي
والجنى قد طاب في اللي زارعينه فيّه
مالبست ثياب خنقة و لا ثياب اوساعي
و لا استعرت ثياب غيري لو هي الماسية
هالكلام اللي نزفته من صميم أوجاعي
لا أَدِين به الرجال و لا عصَمْت بنيه
كلهم يرمي رماحه و كلهم ملتاعي
بس هو غصة حلوق وبالضماير كيَّه
قلت اعلقها برساله يفتهمها الواعي
و هي تطير و يمتهنها من ثمل في غيَّه
احترامي معْ سلامي و نصرتي و دفاعي
للقلوب اللي بعدها طاهرات و حيَّه
دام هالاحساس ورطه و ما لأمه داعي
من يلوم الزير لامن حب فوق الميَّة؟؟!
وصايف تهامية / القنفذة 1429هـ
احترامي و سلامي
|