زورقي ديني .. و يقيني بالإله ذراعي=و البحر مهما لعب بي يلطف الله بيَّه

خاتمٍ مطلي مقلد ما يجي باصباعي=يا يكون الماس حرٍ و الا ماهو ليَّه

معصبي عزة خواني و طيب ابوي قناعي=والجنى قد طاب في اللي زارعينه فيّه

مالبست ثياب خنقة و لا ثياب اوساعي=و لا استعرت ثياب غيري لو هي الماسية

هالكلام اللي نزفته من صميم أوجاعي=لا أَدِين به الرجال و لا عصَمْت بنيه

كلهم يرمي رماحه و كلهم ملتاعي=بس هو غصة حلوق وبالضماير كيَّه

قلت اعلقها برساله يفتهمها الواعي=و هي تطير و يمتهنها من ثمل في غيَّه

احترامي معْ سلامي و نصرتي و دفاعي=للقلوب اللي بعدها طاهرات و حيَّه