هاذي السنه ماهي اشوالك من العام =
وكـل عام يـجي فيه إنـقلابـة =
من لاحسب للسنين ودور الايــام =
لايامن الدهر إلى منه غــدابـه=
ون كان فات العمر مدركت الاحلام=
من شاب ما عاد يرجع له شبابه =
كان الـفـتى للعمل والجهد مارام =
يـنـدم لـيا صنفوه من الشيابة =
اول شبابه يقول الدرب قدام =
ماعاد يرجع ليا طـال الـمدابه=
الرجل في ذا الزمن يحسب باالارقام=
ون كانه اصفار باعوه الـقرابة =
دنيا غريبة وصارت مثل الافلام =
ون طال عمرك تشوف اكثر غـرابة=
النذل له سطوه وهقوه وينلام =
وبن الحسب والنسب محـدٍ درا به=
طارت طيور السما والصقر ماحام =
يهابها بعدما كانت تـهـابــه =
والذيب يسرح ويضوي بين الاغنام=
حتى الغنم ماتخاف امن الذيـابة=
ذيب الغداري غدا من جنس الانعام=
فيها فوارق واساميها تـشـابـة =
والمسعد اللي يطبق دين الاسلام =
يعمل بسنة محمد والصحابــة =
اعداد مايركع المسلم وما صام =
واعداد من زار بيته والتوا بـة =
صلوا على اللي محطم كل الاصنام=
اللي عليه الكريم انزل كـتابـة=