سقى الله سنياتٍ مضت لي وانا بزر = وانا جاهل درب الهوى ما عرف لونه
وانا دمع عيني كل ما هل من شهر = هماليل واغظي عن هلي لا يشوفونه
وعينٍ تهل دموع وعينٍ دمٍ حمر = وتزغر كما عدٍّ هل المال يردونه
أنا حالف ما انساك يا هايف الخصر = ولو كان قبري قاعة الحيد يطوونه
وياعم..يا المنعور ماعاد بي صبر = وذي بندقي في ما تقولون مرهونه
ويا عم..يا المنعور مافي يدي حجر = بزيّك يبي سمح القبل داعج عيونه
أبو لبةٍ عفرا وطوقٍ على النحر = ويا مخبلك يا عاذل القلب من دونه
ولا يمّحي حبٍّ عليه اللحم جبر = سطى في العظام وصافي الجلد (من دونه)
وانا ماذبحني كون ابو مبسمٍ حمر = تجيبه حلوم الليل والبعد (من دونه)
ويا ونتي ونة مريضٍ به الخطر = توعّى وشاف الخام فوقه يقوسونه
ويا فوح صدري فوح بنٍّ اليا طفر = تعدى الحدود وسجوا اللي يصالونه
ومنزالهم مابين (ساده) الى (همر)* = ورمث الزبار الزين ما هم يحلونه
عسى من يلوم القلب في ناقل الزهر = يجيه العمى وانا من اللي يقودونه
safaqahsafaqahsafaqahsafaqahsafaqahsafaqahsafaqah
ساده وهمر : اعتقد انهما مكانين في جنوب المملكه العربية السعودية

نصافحكم والحب اكفنا .. لنهديكم أجمل معانينا .. تصفيق