السلااااااااام عليكم ورحمة الله وبركاته وبعد ..
أولا أشكر الأخ ( سعيد ) ع إختياري ومع أنها ورطه .. بس عاتي ..
يوميات الورد الأحمر في بيت أبو عبدالله ..
طبعا أعاني من قلة نووم مو طبيعيه راااح تلمسون ذلك من خلال كتاباتي >> أخس تلمسون هههههه
طبعا أنام الساعة السابعة ص وأصحى الساعة 11 قبل الظهر طبعا أتوضا وأصلي الضحى وأنتظر صلاة الظهر ( فترة الظهر ) أغلبها طاعه وفي نهاية الظهر أشيك ع موقع خاص للنساء وآخذ كم أكله منه وأتلمح في رباع وأطلع ..
أصلي العصر من بعد نهاية الآذان ع طول ..
ويا دوب أقول السلام عليكم ورحمه الله إلا غاليتي واقفه بورقه وقلم عشان أكتب لها الطلبات لسعادة الدكتور أخي ..
وكعادة سعادة أخي الدكتور إذا كانت الطلبات بجنب الجامع يجينا جري أما إذا كانت في السوبر إلي وراء الجامع يجلس في الجامع ويقرأ مايقارب جزء من القرآن الكريم هروبا من بعد السوبر ويالله يالله يجي وطبعا العصر كما هو متعارف عليه في جميع البيوتات يطبخون وقبل المغرب لازم نحاول ننتهي بدري إلي يبي يدعي وإلي يبي يقرأ قرآن وإلي يتلمح في سفرة الفطور ..
المغرب إلى وقت العشاء نقضيه ما بين فطور وتلميع المطبخ ونريح شوي الحمد لله ما أحب المشلسلات >> أنتبهوا للشين
أكيد بعد الآذان أجي أشيك ع رباع وأجلس ما يقارب ثلث ساعه وأطلع وبعدها أذهب لصلاة العشاء والتراويح ..
بعدها نعقد جلسه عائليه فكاهيه نأخذ فيها حلى بارد وإلي بقي من الفطور وطبعا نتبادل النكت والفكاهيات ونضحك كلنا لكن ضحكتي أنا غير
، والكلمة إلي ما أرتاح حتى وأسمعها من ماميه >> إلي هيه أمي تقول (( جارنا الحارثي سمعك وأنتي تضحكين مو لازم نشوف حلقك وأنتي تضحكين )) يعني
>> وكلمتي المعتاده إلي لازم ماميه تسمعها ( جارنا الحارثي مو في البيت ) ..
والوقت كله من الساعة 12 ص إلى 6 ص منوعات مره زياره لقريبنا وحبينا عمووووو وأتصالات بالشباصات صحباتي أو نت أو أمارس فيها القراءة الحره أو ماسكه كنبه وأعلق ع الرايح والجاي أو إذا كان المطبخ فيني وأنا وأختي نسوي السحور كبسة طبعا .. >> وأخي الكبير صاحب القلب الكبير إذا ماسوينا كبسة الظاهر يحجز ع دول شرق آسيا يقول ما تعروفون أنّا صايمين 12 ساعه ما نأكل ..
ولا بعد يتحسس يسمع صوت الصفاره حقت قدر الضغط وإذا سمعها نشب لنا في المطبخ يسولف وينكت وأحيانا أخليه يسوي سلطه >>> شكلي شديده صح ؟!!!!!
هذا يومياتي في شهر رمضان المبارك لعام 1429هـ ..
أهـــــــــــــــا نختار
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وقع إختياري ع
((
وااافي ))