لو سمحتي لي انا جيت اعتذر
اعتذر عن شي انا لم افعله

ساقني حظي لدربك والقدر
في طريقٍ كان قلبي يجهله

جيت قلبي فيه احر من الجمر
ودي اطفي نار فيه مشعلله

جيت لك والدمع مني ينهمر
والخدود من الدموع مبلله

جيت لك خايف وانا كلي حذر
لاتعيدين الشريط من اوله

قلت لك قلبي ترينه في خطر
وانتي ادرا عن ظروف المشكله

يوم شفتي حالتي قلتي نذر
قد نذرته لترك ايامك وله

لين تصبح ماتشوف ولا بشر
غيري وهذا ترى يا مسهله

قلت لا والله ومن شق القمر
وانزل القرآن فيه الزلزله

ان يامن باعني ما ينتصر
وانزِله دايم في ادنى منزله

وان قلبي لجعله مثل الحجر
ما يلين ولا تصيبه خلخله

كم تحمل كم تعنى كم صبر
وقلت هذي له وهي تستاهله

كم ترا غيرك يحاول ما قدر
يستميله او بحبه يوصله

صدق لما قلت حظي والقدر
جاب لك حب انت ماتستاهله