العميد : ابو صالح = ......................................
مرحبا يابن سالم يالكنانـي سعيـد=جيتك من زمن مبطي وانا ارقب لها
وانت قدام يعلن بالاذاعـات عيـد= فيه ناساً تحرضنـي علـى قتلهـا
__________________ = ________________
سعيد بن سالم = ....................................
البقاء يا مرحب جعل عمرك مديد= خل الاعلام تتوارد على مهلهـا
يا طويل العمر دامك برتبة عميد != حاسب الي فعل فعّله على فِعلهـا
__________________ = ________________
العميد : ابو صالح = ......................................
والله اني بغيت اوضع زنازن حديد= واحكم الامر واحرٌِِص على قفلها
لكن القايد اقفا وابن عمك وحيـد= والمعارك تبي قايد يخطـط لهـا
__________________ = ________________
سعيد بن سالم = ....................................
اعتمدنا نردك من عميد لعقيد= وان تماديت شلنا رتبتك كلها
استمع يا بشير الحان نغمة فريد= من سمعها طلبها ! علها .. علها
__________________ = ________________
العميد : ابو صالح = ......................................
الرتب ما نقلها خالد ابن الوليـد=غير خيله على روس الكفر تلها
خلك مثله قوي العزم باسك شديد=ثابتاً والسيوف البارعـه سلهـا
__________________ = ________________
سعيد بن سالم = ....................................
كانها حرب فأبشر بي ورأيك سديد= اشهد انـي نهـار القـاك بافلهـا
كيف تبغى تموت ؟ انسان والا شهيد= خل جثتك ! جايز للطيـور اكلهـا
__________________ = ________________
العميد : ابو صالح = ......................................
ايه حرب(ن) ببندق والحكم والقصيد=امش والا كما غيرك تشيـرد لهـا
موتتي موتت الفارس وراسه عنيـد=وانت بعظ البشر سلمت راسك لهـا
__________________ = ________________
سعيد بن سالم = ....................................
انت ضيعت ركعة من صلاة المسيد= وصاح شيطانك ! أحسن خلها خلهــا
خذ نصيحة فقيه ! وصلها من جديد= والا كبر وعن سجدةَ سهـو ..صلهـــــا
__________________ = ________________
العميد : ابو صالح = ....................................
انت لا تلحق الي مات جد العبيد=لا نشدته عن اذنه قام يلمح لهــــــــا
يترك الي قريبه تنمسك له بليد=والبعيده عنه يغدي يـدور لهـــــــــــــا
__________________ = ________________
سعيد بن سالم = ....................................
من عرفتك وانا خابرك ساعي بريـد = لا عطيتك رساله جبت لي مثلهـــا
خل جد العبيد انا ادري انه بليد = افتني عن (بخيته) ! من لحس عقلها
__________________ = ________________
العميد : ابو صالح = ....................................
اني ارمي على الاهداف رمياً وكيـد=رمي ذرعي ورميـات اتعنـز لهـا
وانت لاطاحت اهدفك ولا جبت صيد=ترمي الرميه لكن مـا تركـد لهـا
__________________ = ________________
سعيد بن سالم = ....................................
النمر يا ترقب صيدته من بعيـــــــد = وإن بهشها بمخلابه لعن شكلهـــــــا
كيف؟ يصطاد وبراً مّدرق تحت حيـد = والصحارى قفارُ ولا بدأ وعلهـــــا