~~~~~~~~~~
تلف هالدنيا على الناس وتدور..
بس الزمن عندك توقف ولا دار..
أدري مقصر بس لا صرت مجبور..
ودي" تسامحني" على حكم الاقدار..
كني بدونك عقد لا صار منثور..
وش يجمع المنثور دام الزمن جار
~~~~~~~~~~
تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
أبلعنها وبلعن كل شخص لي يطريها
~~~~~~~~~~
انا رفيق الجرح من صغر سني
والجرح له في داخلي الف عنوان
يا سيدي هم البشر صار مني
واصبحت انا تمثال لهموم انسان
كل الوجوه تشابهت
حد ظني
ماعدت اميز بين صادق وخوان
ياصاحبي
لا تنشد الجرح عني ترا فيني للجرح
الــــــــف عنوان
~~~~~~~~~~
واصل غرورك وانظر لوين وداك؟؟؟
عادات ظلام الهوى كلها فيك؟؟؟
ضميرك الميت يكمل سواياك؟؟؟
أفعالك الشينه جهنم توديك؟؟؟
يعينك الله ع الزمن كيف يبلاك؟؟؟
أتحمل الي جاك الوقت يطويك؟؟؟
خلاص ماتفرق وقلبي تناساك؟؟؟
~~~~~~~~~~
أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد
ليت الوداع يموت لا جيت أودعك
ولا نموت أثنين في وقت واحد
~~~~~~~~~~