ساعات تغتالنا الساعات =ونضيع داخل دقايقها
وساعات نمشي بلا ساعات =وعلوم نخفي دقايقها
من شان ما يضحك الشمات=لو تنكشف له حقائقها
صولات تضحك على الجولات=من يوم ضاعت وثايقها
صالات الاسهم لها صفقات=كم خسَّرت من صفايقها
صرنا لها نرفع الرايات=ولا نحاول نضايقها
يقلون الايام أخذ وهات =تأخذ وتشعل حرايقها
أموالنا روحت سرقات =لبنوك تصدر بطايقها
راحت علوم وعلومٍ جات =ما بين معطي وبايقها
بسكات أنا بانسحب بسكات =أحداث ماني بطايقها