هذه القصيده اخر انتاج الشاعر والاديب ابورزق
وكان الرد من الشاعر ابوزياد وحبيت اسجلها
في هذا المنتدى الرائع وللجميع خالص الشكر


البدع:ابورزق
.
افتكر في اهل هذا الجيل والبعض والناس اجمعين
والذي كان عند الناس خدّام خذ خادم لبيته
قالت الحرمه مااعرف شغلت البيت خذ لي خادمه
ونسي الزمان اللي تقدم وهم خدّام جيره
يوم قدام مانعرف هل الديره من جيرانها
والسبب كله اصبح كل واحد معه عدة وضايف
والمره بعد ذيك الحاله عادت مديرة مدرسه
ليتهم يحمدون الله على نعمة الباري وجوده
نص وجباتهم يرمونها في الدرام الحومها
قبل فهد الجزيره وقبل صقر العروبه ماسعدنا
بعضنا مااقتضا بريال شركه بدال اضحيته
يحفظ الله قايدنا وقايد جنود ابلادنا
.
.
الرد:ابوزياد
.
نخوة الجيد الغندور مثل المطر من نجم عين
لو دعاني وسوط الليل ماقلت ليه الا لبيته
والذي بارد الدم لو بتنخيه ماينخا دمه
ان الايام دواره وفيها توافيقَ وجيره
يالله اجور بك في بعض الايام من جيرانها
راعي الجود بين الناس تلقاه مضيوفً وضايف
لا تكلم في المجلس تلاقي هروجه مدرسه
والذي ينفع المحتاج ياليت مانعدم وجوده
الصقور الذي للصيد نفرح بها والحومها
وانت ياشيخنا بورزق شيخ القصايد ياسعدنا
علمنا واضحً للناس مثل القمر واضحيته
فزعتك يوم تدعي يشترون الجميل ابلا دنا