قصيده لشاعر /علي صالح بن رجب المالكي


لا تزيد الطين بله





ابنشد صاحبي واسأله بالله
على ظلمه وهجرانه لخله
وابطلب منه لا يجفى حبيبه
ويترك عاشقه والحب كله
ويتذكر حبيبه ويش سوى
على شانه عملّه ما عملّه
هجر ربعه وناسه من حياته
وصرت بوسط قلبه مستحله
نسيت اشلون حبك في فؤاده
غرامك في ظلوعه مستظله
فتنته بالغرام أصبح يعاني
خساره ما لقى منهو يدله
خساره كل هذا لك خساره
لقيت اللي بكيفك تستغله
وفا لك يا الاناني وانت تدري
ترى الوافين وسط الناس قله
زرع لك حب من روحه لروحك
اذا ماهو لروحك قول من له
ترى العاقل سواتك ما يسوي
يجي له عشق مجنون ويمله
الا ويلاه من جرح الحبايب
معاناةٍ وتجريح ومذله
تعبت وجيت لك مقبل وعاني
وماني ناقصٍ سيف تسله
دخيلك لا تسريها وترحل
دخيلك لا تزيد الطين بله
تراني لو بغيت اشفي غليلي
ابدلك مظاهر مستقله
ازين لك شعوري لا لقيتك
واعلق قلبك بحبي واشله
بعد باجعلك تايه في حياتك
ودمع العين في خدك تهله
علي صالح بن رجب المالكي