نظرا لما حصل من لغط حول هذا الموضوع فقد تم الاتصال بالشاعر الكبير عبد الواحد بن سعود واكد ان البدع له والرد للشاعر رمضان المنتشري

والله لو جاني البارح مبشر يقول جالـك ولـد
أنها ما تعادل لحظة عشـت فيهـا زي حلمـا
والا من كان يتجرا و يقدر على تركيع بـوش
الحذا اللي ضرب تمثال صدام في ذلة و جبنـا
بيد مقدام ركع بوش الأصغر بشحمه و لحمـه
الحذا اللي من أول ما حكم بوش صافحنا بكعبه
يستحق إنه يشيله معه مثـل تذكـار الـوداع
لكن اللي غبني كيف راغ الخبيث و صاف عنها
ربما كانـوا أهلـه مـا يربونـه الا بالنعـال
يا حذا منتظر لك عدة أوجه ولك عـدة زوايـا
ليتنا نلتفت لك يـوم يهـدا غبـار العاصفـة
فأما يابوش لو جينا نقارنك بالزيـدي لحالـه
عز الله انك أسود وجه و إنه كفو وانـه بطـل
أما لوجت على الأمة عموم أنت وين و فين حنا
قلنا هاردلك و نقول مبـروك و برافـو عليـك
حط رجلك ودس ما عندنا الا حلالك و ش يردك
الثلاث الميـة مليـون مـا فيهـم الا منتظـر
ما نقل جزمة الزيدي وجزمتك في الميزان واحد
جزمته فالهوا وأما أنت جزمتك فـوق رقابنـا

عـبـدالـواحـد بـــــن ســعـــود


امس صحيت حظي قـوم ياذيـب فتـوارى ولـد
حلم شاعر بغى يرقي لهمام السحب ويزيح المـا
وانخل الغيم واروي الكرد ذا يعبش التركي عبوش
لوعصرنا السراب ولو سمعنا ندا الضامي وجبنـا
الف حاسد وحاسد صك بـاب التعـاون ولحمـه
مات فيلق بقي فيلـق ولا بدلـت كعبـة بكعبـة
سامح اللي تسامح واخصم اللي نوى خصمك وداع
قوم الافرنج والتتـار تتغيـر الاوصـاف عنهـا
عذربوا في كرم من لا يقهويهـم الا بـن (عـال)
والقرانيس عـالاشهاد واهـل الزوايـا بالزوايـا
والتولع فضيله لاصبح المجد لـه والعـه صفـه
يالحكيم الذي تخضع طوال الشوارب واللحى لـه
الامانه فقدناها وعصـر الطمـع والنهـب طـل
علم اللـي تحنـا لا يبقـى علـى الكفيـن حنـا
قله الوقت غير الوقت كان العـرب رافـوا عليـك
الجحافل تدك اسوار الاسياد والطايش يرى الـدك
انتظر لين تبدأ ساعـة الصفـر ولا مـا انتظـر
اصح يانايم الاوضاع تشبه لحـد السيـف وآحـد
اما سلمـت واستسلمـت ولا لفـوق ارقـى بنـا

رمــــضــــان الـمـنــتــشــري

قناة رباع بالـــيوتيوب

http://www.youtube.com/user/ruba3ruba3

• رحلة في ذاكرة الشاعر جريبيع رحمه الله
• أهالي رباع : الخير في مقدمكم يانسل الكرام ( عكاظ )
• رسائل واتس اب جديدة كل يوم .. شاركونا بكل جديد ‏