يمنع دخول الجائعين
--------------------------------------------------------------------------------
يمنع دخول الجائعين ::\
ياليل خبرني عن امر الدغابيس
هي من دقيق البر ولا استرالي
إن جعت وعروق الضماير ميابيس
اموت واحيا لحظروها قبالي
تشد معها كل قلبٍ واحاسيس
والمر يصبح ياصبح الوجهه حالي
لاخذت لي منها لقامٍ مدابيس
في مجلسي كني وحيدٍ لحالي
والله ما اغبط اللي سكن وسط باريس
كنه وما يملك حلالي ومالي
لو سكروا من دونها بالمتاريس
نقدم على الموت الحمر ما نبالي
لوا عذابي لاقضى باقي الكيس
قعدت اصفق باليمين الشمالي
وشلون ابسلى عن كثير الهواجيس
والبيت من باقي الدغابيس خالي