العقول المستعاره كل ابوها باطله=كل ابوها باطله ترتاب مثل اصحابها
لو قرون الوعل تنفع ما تظلي جافله=ما حمت راسه ولو طول المدى يزهى بها
علّم اللي علّق اسمه لجل ماحد ياصله=بعد ماسلّم حياته في ايد من يلعب بها
واهموه انه عصامي وانه سيد القافله=مادرى ان ابليس روحه باعها واشرى بها
كل منهو خير منه يحاربه ويقاتله=لجل غاياته يكابر والعباد يسبها
ما بيوصلني ولو يبصر نجوم القايله=والرجاله والشهامه ما لفا لدروبها
عنجهي روحه خبيثه للضغاين شايله=حد عينه للبعيد ولا انتبه لا اقرابها
يمكن انه من بقايا الجاليات الحاصله=يابا الله ماهو من اعروق الوفا وانسابها
منعمي حسّه تبلّد منه روحه غافله=يطرد طرد الهايمي والفايده ما جابها
كيف توثق في المخادع ماالبشر وتواصله=هرقلت روحه وعابت واستلذ ابعيبها
اتركه لبليس يرعى غايته ويحايله=والنهايه له جهنم نارها والهيبها