هذه الابيات ضمن خربشاتي اليومية سامحوني
ياصقر
ياونتي ونات من بات مسموم = الموت قبله والبلاوي تحوفه
والا ونين اللي في السجن مظلوم = يعانده حظه وتقسى ضروفه
والا ونين اللي من القرش معدوم = وعياله الجوعى يزيدون خوفه
على الوليف اللي منه صرت محروم = اربع سنين انا اترجى لشوفه
لحظة بعد لحظة ومن يوم في يوم = اكتب واعيد اسمه وألثم حروفه
واغمض عيوني وهي ما بها نوم = واسرح بتفكيري لرقة طيوفه
ياصقر دام انك تعليت وتحوم = فوق الديار وكل وادي تطوفه
ادرج على دار الحبيب على الدوم = فريد ما يخفى عليك بوصوفه
ترقبه يمكن تجي منه بعلوم = تكسب ثواب ان عاد قلبي لجوفه
وسلامتكم