سرى بي هجوس وأحرم العين نومها=وطارت معاه أفكار عقلي مشابكه

هجوسٌ على من لا طرت لي علومها=أحس إن قلبي صارم الهم ماسكه

ماغيرآتوجد ليت لي في حلومها=طريق أعبره لحظات وأسلك مسالكه

وجود اللي اولاده يشاهد اعدامها=ودونه رصاص حي والدرب شايكه

وتطري لي الذكرى قديمات شومها=صداقة مع مخلوق كنه ملايكه

صداقة من الأعماق وأغلى سلومها=من اللول وأغلى مالذهب في سبايكه

صداقة وفي بحر الوفا كان عومها=اللي في قلوب أهله ثمينه ترايكه

رحل صاحبي رحلة طويل مقيمها=وباب الرجوع الموت وثق صكايكه

رحل رحلة البرزخ وربي عليمها=عسى مسكنه جنات عدن المباركه

ودنياي من بعده محطات يومها=شبيه العما ودروبها سود حالكه

وروحي عن العالم تحلت بصومها=عن السعد ماتطريه والقلب تاركه

عيوني على كثر البكا لاتلومها=ترى اللي يقدر قيمة البفت حايكه

لو إن القلوب اللي تعايش همومها=تمنى وتصبح لاجمل الحلم مالكه

تمنيت قبل إنزله بالقبر يومها=أضمه على صدري وبالقبر أشاركه