أيامـنـا والليـالـي كــم نعاتبـهـاشبنا وشابت وعفنا بعـض الأحوالـي

تاعـد مواعيـد والجاهـل مكذبـهـاواللي عرف حدها مـن همهـا سالـي

إن أقبلت يـوم مـا تصفـى مشاربهـاتقفي وتقبـل ومادامـت علـى حالـي

فـي كـل يـوم م تورينـا عجايبهـاواليوم الأول تراه أحسـن مـن التالـي

أيـام فـي غلبهـا وأيــام نغلبـهـاوأيـام فيهـا سـوا والدهـر ميـالـي

جربـت الأيـام مثلـي مـن يجربهـاتجريب عاقـل وذاق المـر والحالـي

نضحك مع النـاس والدنيـاء نلاعبهـانمشي مع الفي طوع حيـث مـا مالـي

كـم مـن علـوم وكـم آدب نكسبهـاوالشعـر مـازون مثقـال بمثقـالـي

اعرف احروف الهجاء بالرمز وكتبهـاعاقل ومجنون حـاوي كـل الأشكالـي

لاشك حظـي ردي والـروح متعبهـامافادني حسـن تأديبـي مـع أمثالـي

إن جيت أبي حاجـة عـزت مطالبهـاالعفو ماحـد عـن المخلـوق بيسالـي

قـوم إلـى جيتهـم رفـت شواربهـابالضحك وقلوبها فيهـا الـردى كالـي

ماكنـي إلا مسـوي حـال مغضبهـاوالكل فـي عشرتـي ماكـر ودجالـي

ياحيف تخفى أمـور ٍ كنـت حاسبهـاواللي علـى بالهـم كلـه علـى بالـي

الجـار جافـي وكـم قـوم نحاربهـاولأهل الحسب والنسب في جمع الأموالي

نفسي تبي العـز والحاجـات تغصبهـاوترمـي بهـا بيـن أجاويـد وانذالـي

والمـال يحـي رجـال لاحيـاة إبهـاكالسيل يحـي الهشيـم الدمـدم البالـي

عفت المنازل وروحـي يـوم أجنبهـامنهـا غنيمـه وعنهـا البعـد أولالـي

لاخير في ديرة يشقـي العزيـز بهـايمشي مع النـاس فـي هـم واذلالـي

دار بهـا الخـوف دايـم مـا يغايبهـاوالجوع فيها معه من بعض الأحوالـي

جوعـا سراحينهـا شبعـا ثعالبـهـاوالكلـب والهـر يقـدم كـل ريبالـي

عز الفتـى راس مالـه مـن مكاسبهـايامرتضـي الهـون لاعـز ولامالـي

دللت بالروح ليـن ارخصـت واجبهـاوأنا عتيبـي عريـب الجـد والخالـي

قوم تـدوس الأفاعـي مـع عقاربهـالهـا عزايـم تهـد الشامـخ العـالـي

كـب المنـازل وقـل للبيـن يندبهـاتشكي عليهـا بدمـع العيـن هطالـي

لاتعمـر الـدار والقـالـة تخربـهـابيع الردي بالخسـارة واشتـر الغالـي

ماضاقـت الأرض واشتبـت شبايبهـافيهـا السعـه والمراجـل والتفهلالـي

دار بـداغـرن وجـيـران نقاربـهـاوارض بـارض واطـلال بأطلالـي

والناس أجانيب ليـن إنـك تصاحبهـاتكـون منهـم كمـا قالـوا بالأمثالـي

الأرض لله نمشـي فــي مناكبـهـاوالله قــدر لـنـا أرزاق وآجـالـي

حـث المطايـا وشرقهـا وغربـهـاوأقطـع بهـا كـل فـج دارس خالـي

واطعن انحور الفيافـي مـع ترايبهـاوابعد عن الهم تمسـي خالـي البالـي

مع كـل عمليـة تقطـع أبـرا كبهـافدافـد البـيـد درهــام وزرفـالـي

تبعـدك عـن دار قـوم ودار تقربهـاوأختر لنفسك عـن المنـزال منزالـي

لومـت فـي ديـرة قفـر جوانبـهـافيها لوطـي السبـاع القبـس مدهالـي

أخيـر مـن ديـرة يجفـاك صاحبهـاكـم ذا الجفـا والتجافـي والتحلالـي

دوس المخاطـر ولاتخشـى عواقبهـاوالموت واحد ولاعنـد الحـذر جالـي

إن المنـيـه إذا مــدت مخالـبـهـاتدرك لوكنت في جو السمـاء العالـي

ماقرت الأسـد فـي عالـي مراقبهـاتسعى لـلأرزاق مـا حنـة للأشبالـي

والشمس في برجهـا والغيـم يحجبهـاتقفي وتقبل لهـا فـي الفلـك مجدالـي

رب السموات يـا محصـي كواكبهـايامجري السفن فـي لجـات الأهوالـي

ظاقت بي الأرض وأشتبـت شبايبهـاوالغيـث محبـوس يامعبـود ياوالـي

يالله مـن مزنـة هـبـت هبايبـهـارعادها باتلـه فـي البحـر زلازالـي

ريح العوالـي مـن المنشـاء يجاذبهـاجذب الدلي من جبى مطويـت الجالـي

ديمومتـن سبلـت وأرخـت ذوايبهـاوأنهل منهـا غزيـر الوبـل همالـي

تسقي ديارن شديـدي الوقـت حاربهـاماعاد فيهـا لبعـض النـاس منزالـي

وياجاهـل اسمـع تماثيـل مرتبـهـافيهـا معانـي جميـع القيـل والقالـي

مثـل المحابيـب زادت فـي قوالبهـافي صرفها زايده عن قـرش وريالـي

يـارب توبـه وروحـي لاتعذبـهـايوم القيامـه إذا مـا ضاقـت أعمالـي

وأزكى صلاة على المختـار نوهبهـاشفيعنـا يـوم حشـرات الأهـوالى