شكرا همسة شوق على الموضوع الرائع وجزاك الله خير والله هذا الشجاع صح ،

وباقول لكم شيء ولا تقولون انه ما هو صدق والله انه صحيح لكن على حسب
ما ذكرت لي الوالدة الله يطول عمرها ويعطيها الصحة والعافية ومن يسمع اللهم آمين ،

كان ابوها اللي هو جدي لا شاف الحنش يمسكه من ذيله بطريقته الخاصة ويهبد به في الارض حتى يموت
وهذا مشهور والله ومعروف عن جدي ، لكن آنا والله لاهرب ولا أقرب منه ،

وقصة ثانية :

والله إنه صحيح وصدق ، يوم من الأيام كنت أرعى الغنم أنا والغالي الحبيب ولد عمي
في الديرة ، وما درينا إلا وذاك الحنش مرينا من جنبه ، وخرعنا وما له مكان يهرب منه
لأنه قاطعن في الطريق ، يا ولد وش نسوي قمنا استلمناه بالحصى ، والله يشهد علىهذا ،

ما تصدقون وش سوى الحنش والله إنه قام ووقف مثل الآدمي يطالع لنا ولا ندري وش نيته
واصبح راسه يشبه حية الكوبرا ، ولونه اتحادي اصفر واسود ، وكلما حذفنا عليه الحصى
يراوغ منها يمين وشمال ، المهم استلمناه بالحصى ، والهراهير من بعيد حتى سقط على

الأرض واستلمناه بالحصى حتى فارق الحياة ، واخذنا نقترب منه لأنا كنا بعيد حوالي ولا أذكر
كم ستة أو سبعة أمتار ، اقتربنا منه وقلنا يا ولد لا يكون ما مات ، واستلمناه بهراهير كبار
حتى تأكدنا انه مات وأخذناه ، وشبيناه بالقبس ، والله اللي كفانا شره وإلا كان قد رحنا فيها

هذا من ذكريات الماضي وانحن سفان . وتحياتي للجميع ذكرتمونا بالماضي .