مساء الخير لكم جميعآ وجمعه مباركه إن شاء الله علينا وعلى المسلمين
يضيق صدري لاطروا ليلة السبـت
................... ليت الليالي كـل ابوهـا ربوعـي
بيت ٍ سمعته فجر الضغط والكبـت
...................وازريت لامنع من سمعته دموعـي
هلت على خدي وونيـت وارتبـت
..................وازداد هاجوسي وهمـي ولوعـي
ياصاحبـي فرقـاك منهـا تعذبـت
................ماطيقهـا كـم ٍ وكيـف ٍ ونوعـي
صغير سن ومن مفارقـك شيبـت
...............الله ياشيـن المفـارق يـروعـي
فُرض علي البعد فـرض وتغربـت
.............والله ماهـو باختيـاري وطوعـي
شكلا بعدت وواقعـا منـك قربـت
..............بالشوق واللهفة وقلـب ٍ ولوعـي
قلب ٍ هواك وفي عروقـه تسربـت
..............وانا احسب انه حامياتـه ضلوعـي
عزفت لحن الحب عزف وتلاعبـت
..............باوتار روحي ياجميـل الطبوعـي
غزيتني بجيوش حبـك وحاربـت
.............واعلنت لك حبي وكامل خضوعـي
يـزور طيفـك خاطـري لاتغيبـت
............واشتاق لك واظما وصالك واجوعي
ياصاحب ٍ نظمـت لاجلـه ورتبـت
...........اجمل بيوت الشعر نظـم ٍ مروعـي
يضيق صدري ضيق في ليلة السبت
...........وارتاح واستانس نهـار الربوعـي