متواضعه ارجو ان تنال الحد الادنى من الرضى ولازم تقبلونها لانها ستكون الاخيره
من غير شر
أبشرك قلبي من فراقك تعلم وأهتدى = ولا عاد دمعي فوق خدي من فراقك منهمر
من جملة غيابك تعلمت الخبر والمبتدى = ومن قسى صدك تعلمت الضمير المستتر
تشوفني عادي وأنا نافست بك غيم الهدا = وصار صدري لك سحابة خير وأحساسي مطر
لو يختنق صوت المشاعر صرت لك صوت وصدى = والهم لو يرخي سدوله صرت ترنيمة وتر
كتبت لك شعري ضلالة حب واحضانك هدى = وفرشت لك شطرين من شعري ولحفتك شطر
يا ورد لو تسمح فراشاتك وقطرات الندى = تروي ظما قلبي وتجبر خاطري لو ينكسر
ما عاد تفرق يارفيق العمر من فينا بدا = مادري معك نية غدر والا معك نية غدر
انا أعرف ان المنتصر من واجهه حرب وعدا = وحرب الفراق المنتصر خسران ماهو منتصر
الشعر مل الصبر وأحساسي معك رايح سدى = تعبت وآنا آقول ردك عذب ومرورك عطر
والحين دامك تعتبرني واحد من المنتدى = ببعد وأشوف اللي دموعه فوق خده تنهمر