الحقيقة ان ليل الوعد تأخر ولابد ان عنده علم اخر وانا معي كلمتين طرف لساني حاولت ابلعها ابت تنبلع وعزمت اقولها ماهلا ودي اكايدكم ههههه
مجاراة على الوزن والقافية
.=
يامرحبا بالمركب اللي عالبحر فلّ الشراع=يامرحبا والبحر وانا اخوك في جزر(ن) ومد
يامرحبا والقصة ان اللي حصل كلّه خداع=والسالفة ندري بها ماهيب في بدع(ن) ورد
ما صار راس براس في صالة وطاولة اجتماع=مرتبة وهم وسراب لخدعة عقول البُلد
تبي الصراحة لا يطول العلم ويزيد الصراع= لا مهرةٌ لا سبع والسيف المصدي بالغمد
لاتكثر التفكير والحيرة وياجيك الصداع=مابه ورود تشمها مافيه نحل ولا شهد
ترى الحقايق باينة والليل يخفيه الشعاع=فهمتني ياصاحبي والا تبي تفهم بعد