تقول من وين انت.. وقلـت زهرانـي
من لابة لابـدت للحـرب هـي هيـه
قبيلـة مـن جنوب..وعزهـا بـانـي
اسـطـورة للكرم..نيرانـهـا حـيـه
تستقبل الضيـف بالترحيـب والدانـي
مليـون مرحـب ولا يكفـون رديــه
وتجير من يستجيـر وتزبـن العانـي
وتفك ظيـم ٍ عـن المظيـوم والديـه
والجار تحفظ حقوقه عن جنى جانـي
لاغـاب ماكنـه الا حاضـر هنـيـه
شيمه وقيمـه وقـدر وعـز وايمانـي
ورفعـه وغيـره ورثناهـا سماويـه
لباسنـا المـرت والبلجيـك وسنانـي
والجنبخان انتظم فـي سبـت جنبيـه
بارودنـا .. عطرنـا لا ثـار دخانـي
عن طيلسان وحمى مصيـون وحميـه
عنه انشدي الترك في صفيان عجلاني
يـوم اختلـط بالدمـاء نيـاح تركيـه
من شافهم صاح باعلى الصوت طرباني
ياحي قوم ٍلهـم فـي الحـرب ماريـه
صبيان زهران نام وغطـى الاجفانـي
مدام لك مع صـلاب الـروس عانيـه
وبلادنا.. من جبـال سمـر وجنانـي
فيهـا اختلـط شوكهـا.. ببعيثرانيـه
وبيوتنا.. مـن مـدر ليـن وصوانـي
فيهـا الاثـل( زفرن)بالقطـر مطليـه
فينا غلاضة حرس واحسـاس فنانـي
وفينا يلـد للغضـب سبعيـن جنيـه
وفينا براعـة فكـر والعلـم برهانـي
شيـوخ ودكاتـره فـي كـل ناحيـه
الله خلقنـا كـذا سـمـرٌ بالالـوانـي
وفينا بياض القلـوب وطهـر بالنيـه
وتاريخنا من جذيمه(1) عالي الشانـي
وبن احمد(2) اللي عروضه شعر مقريه
وابو هريـره صحابـي خيـر جدانـي
حفظ لنا الدين والقـران فـي ذيـه(3)
وفي عهد سيد البشر كنا لـه ايمانـي
في كل غـزوه لنـا وقعـات مطريـه
شجعان يوم الوغـى زلـزال بركانـي
عن سنة المصطفى والشـرع دوريـه
وبنشير تشهد وتشهد ارض الافغانـي
في يوم حق ٍ دهكنا خشـوم روسيـه
شمنا عن الغـدر والتدليـس بلسانـي
عزوه لمن يعتـزي والحـق لـه فيـه
وشمنا عن الذل يـوم الـذل جربانـي
وراعيه يمسـي علـى قلبـه هتيميـه
رجالنا عـن ميـة فـارس وديدانـي
وبنتنـا فـي حبـاب العيـن مخفيـه
كبيرنا لـه مـع التقديـر الاحسانـي
وصغيرنا لـه محبـه عطـف حنيـه
وعندنـا للمحـبـه فـيـه تبيـانـي
نصون عرض الحبيـب بحـد شبريـه
ولا نجـازيـه بالتعـبـات نكـرانـي
ولا نخليـه لـو دارت بــه الهـيـه
عظيم فينا الوفـا والصبـر سلوانـي
وقلوبنـا مـع بعضنـا حيـل ولفيـه
وماهمني مـن ذكرتـه لـو تناسانـي
ربعي شنـار ٍ لهـم بالقلـب وسميـه
يحبهـم كـل راعـي حـق وانسانـي
بطيبهـم عاشـوا الدنيـا سموحـيـه
قالت يكفـي خـلاص العلـم وافانـي
اشبعت فينـي فضولـي ميـه الميـه
يابنـت هـذا قصيـدي لـك وقيفانـي
قاف ٍ على آنـي وقـاف ٍعلـى ايًـه
من الزمـرد ولـول البحـر تيجانـي
والقاف يرمـي كمـا رميـات جثريـه
اخذيه فـي مقلتـك مابيـن الاجفانـي
والدمـع خليـه فـي عينيـك جبريـه
والا انثريه ان لقيتـي فيـه سلوانـي
لا صاكعت بك ليالـي حـزن وهميـه
وقولي جبرني على الانصات زهرانـي
فـي منتـدى للقـا نفحـات ورديـه
وسافر بفكري وصار القلـب هيمانـي
وتزاحمت بي على الانفـاس شرقيـه
واوغل بذاتي ولا ادري ويـن ودانـي
ببحـور شعـره وقصاتـه الدراميـه
ماشفت قبلـه ولا بعـده احـد ثانـي
يتجرد الحـرف بيـن ايديـه طوعيـه
يسكب لي الحرف في مهجات حيرانـي
ويغرقه في شـوق صـوراتٍ خرافيـة
واذا استوى الحرف قلب فيه وجدانـي
والجرح ينزف علـى ذكـره وطاريـه
ويوم استرق خافقي صور لي احزانـي
واقبلت في وسط عينـي دمعـه نديـه
جاوبني .. العلم جاك وجاك عنوانـي
وان كـان ودك نزيـدك مابهـا هيًـه
يكفيني اني ولـدت بـارض زهرانـي
تسوى جميع الدول في نظـرة عنيـه
عبدالرحمن الزهراني
صليب الراس
1-جذيمه أبن الابرش.أول ملك يحكم العراق في التاريخ يرجع في نسبه الى زهران
2-الخليل بن احمد الفراهيدي صاحب العروض المشهور من قرية الفراهيد في زهران
3-اشاره الى الصدر