هموم العذارى
فايز بن بذال القريقري
ليه السهر مشقي عيون السهارى
وليه الغفى مقفي له ايام ما عاد
كل العيون تنام كود الحيارى
ذيك العيون اللي لها النوم ما فاد
يا منتظر بالليل نجمٍ توارى
خلف السحاب اللي معه صوت رعاد
لي قلب لو تدري ذبيح الغدارى
وده ينام الليل لكنه انصاد
بعض البشر قيده وعودٍ تبارى
وبعض البشر سالي ولو كله اصفاد
يوم المطر يجفا قفار الصحارى
ويوم الزهر يمشي ورى الشوك منقاد
وش عاد لو كنا سيولٍ تجارى
نسقي بها قلب عطش مات وش عاد
وش عاد لو شلنا هموم العذارى
ناخذ يديها من قضت ليلها سهاد
fayeznet@hotmail.com