كنت احسب انــــي قاســـي القلب جبـــار
اصـــبر علـــــــى حمل الهمـــــوم الثقيله
دارت بــــــي الدنيا علــى كـــف الأقــدار
مثـــل الجبل ثابـــــت ولا حـــــد يميلــــه
حتـــــى لقيتــك صدفـــــة ضمــن مشوار
ضاعـــت علومـــي بين يــوم (ن) وليلـه
كشفت لك ضعــف (ن) تداريــه الأسرار
مااقــــوى علـــى رمش العــيون الكحيله
اطرب واغنـــي لك وبكتـــب لك اشعـــار
شجـــاع مستسلــــم ومـــن دون حيلـــــه
لباه ياقـــلبك تـــــرى القــــلب بــــه نــار
لاتكســـرين بخاطـــــره واسمحـــي لــه
واذا رفضتـــي لاتـقــــولين وش صــــار
ســـــري انكشف لك مثل برق المخيلـــه
قومـــي اقتلينـــي واحفظي الســر بأعذار
وان جــــوك ربعــــي قولــي الله وكيلــه
شهــــم وشجــــاع وفارس بكــل الأنظار
قلبـــــه حجــــــر لكــــــن روحــه قتيلــه