يعني اللحين اللى قبلتهم الجامعات المحترمه ونسبتهم 78% تخرجو عباقره ودكاتره
ترى الموضوع ضحك على الدقون وقبل لاتنزل الجامعه قرار التسجيل سجلت مايقارب 55 % من اهل الواسطات اللى تقديرهم لايقل عن 60 % ولا يحضرون المحاضرات وأخر السنه يتم تكريمهم على التخرج بنسب عاليه وللمسكين المواطن العادي يحطون له قبل التسجيل شروط تعجيزيه لخريجي الثانوية العامه ولا كل مدير ثانويه يعسر شهادة المتخرج ويختلق له الف عذر وعذر ويخصم ويحارب بسبيل أن الطالب المسكين اللي يعصر كل جهده طوال السنه عشان ياخذ نبة 90 % يحرمونه منها ويعطونه نسبة 65% ويتفقون مع الجامعات أن نسبة القبول لاتقل عن 78% طيب قبل لاتحطون النسبه طورو التعليم في الثانويه وعلموهم أنه لايتم قبولكم الا أذا جبتم النسبه التقديريه الفلانيه مو يخلونهم على عماهم ويضايقونهم بكثرة القرارت الفاشله من أدارات المدارس عشان ينحد الاب المسكين ويسجل أبنه في الجامعه الاهليه الفلانيه اللي يملكها رجل الاعمال الفلاني -الله ماشفانه وبالعقل عرفناه يعني هالجامعه الحكوميه ماتقبل هالنسبه والجامعه الاهليه اللي بنفس البلد وبنفس هالتخصص تقبل هالنسبه


المدارس في الخارج تأهل الطالب من الابتدائي للمتوسط للثانوي للجامعه وترحب فيه وحنا لليوم نشترط النسبه وفوق هاذا كله أختبار القياس لدخول الجامعه ليش هاذا كله

جيبوها على بلاطه وريحونا خلو التعليم عندنا للثانويه وخلاص بلاش جامعه وبلاش لف ودوران

قولولها على بلاطه حنا نبغا جنود وسكرتيه وشحاذين نبغا شباب يشتغلون في ماكدنولدز وهارديز وبنده والعثيم برواتب لاتتعدا 2000 ريال ملينا من توظيف الجامعيين لنهم يكلفوننا رواتب عليا ولهم ميزانيه مرهقه

طيب عندي سؤال ليش الانتساب في الجامعات السعودية يتم قبول كل طالب ماقبلته الجامعه لان نسبته ماتوافق شروط الجامعه --- الجواب لانه يدفع للجامعه فلوس

طيب ليه الجامعات في الخارج مثل مصر والاردن والسودان والاردن وامريكا وجنوب أفريقيا والهند وباكستان وباقي الدول تقبل أنتساب المواطن السعودي للدراسه وبالمجان للسعوديين وجامعاتنا ترفض وتعتذر عن قبول الطلاب لئن الدراسه في الجامعه ببلاش وتتشرط نسبه معينه حسب دراسه مسبقه لعدد خريجي الثانوية وماهي نسبهم العلميه يعني نخلي عيالنا يسرحون في الشوارع والا نتدين ونسفرهم لئن جامعاتنا الموقره تشترط أن اللى يبغا يسجل لازم يوافق على شروطنا --- وكنهم يقولون ترى الميزانية ماتغطي نعطيكم مكافأت كل شهر -- ياجامعه ترانا مستغنين عن مكافأتكم مانبغاها نبغا نتعلم ونصير من رجالات البلد اللي يخدمون البلد ونطور مستقبل البلد بدل من نخذل البلد الدوله سخرت لنا ولكم كل الامكانيات ليش أنتم تدمور مستقبلنا ومستقبل البلد وترفضون قبولنا بحجج وأعذار واهيه

الدوله سخرت لكم ولنا كل الجامعات فلا تقفون عائقاً بيننا وبين تعليمنا


أتقو الله في حالنا فأنكم مسائلين يوم الحساب وحسبي الله ونعم الوكيل