إخواني جميعا وأخص بالذكر الاستاذ أبو طلال : المشكلة ماهي هاذي العرضة وكان ، لا ، لكن فيه أشياء كثيرة غير العرضة ، في بعض المسايل الدينية وأقصد الفروع ما هي الأصول بعضهم يقول : رح للشيخ اللي تطمئن له ، طيب والشيوخ الثانيين ما حد يطمئن لهم وش فيهم ؟ يعني اللي يبغى العرضه حلال ، يروح للشيخ اللي يقول عنها حلال ، واللي يبغى العرضة إنها تكون حرام ، يروح للشيخ اللي بيفتي إنها حرام ، يعني بالعربي ضعنا في الطوشه ومثلها قس على بدايات الاكتتاب في الأسهم ، بعضهم حلل الاسهم ، والبعض حرم الاسهم ، وسار فيه بلبله بعد ما اكتتبوا العالم ما كان فيه فتوى حلال ولا حرام ، الناس اكتتبوا وانتهوا ، المهم إن اللي ما عجبته الفتوى في بدايات الاكتتاب في الاسهم ، راح عند واحد ثاني وقال له : تطمن اشتر ولا تخاف حلال زلال عليك ، بالله وين نفلح ووين نهجه ؟ وقالوا هاذي عندها قروض ربوية ، والثانيه ما عندها قروض ربويه ، طيب وش الطريقه ؟ قالوا تخلص من هاذي واكتتب في هاذي واليوم لا شفنا هاذي ولا هاذيك ونقز بعضهم عند الزيرعلى شان نضيع سالفة الاسهم