الفراق المـر مـن يقـدر يهـد أصنامـه=والله انه خنجـر(ن) طعناتهـا مسمومـه
ما يضر القلـب موتـه وأغتيـال أحلامـه=دام عينى من سناهـا والنظـر محرومـه
أستوت فى وسط صدرى فرحتـه والآمـه=وأصبحت عينى تدارى دمعـة(ن) مكتومـه
طال ليلـى والله انـى مـا قـدرت آنامـه=وان خذانى النوم عنوه صرت أخاف أحلومه
لو ليالـى العمـر تتكحـل بسـود أيامـه=كان ماصبح وسط صدرى فرحة(ن) مكلومه
بعـد كنـا للهوى سبابـتـه وابهـامـه=صرت أشوفك جالسه بين القمر وانجومـه
الغلا مسـرح وقلبـك والشعـور أفلامـه=قصتـه وبدايتـه ونهايـتـه مفهـومـه
للمحبـه حكـم لكـن للبعـاد احكـامـه=عشتها لين أصبحت روحى تقل مقسومـه
عاتبنـى قلبـى عليـك ونفسـى اللوامـه=بس عقلى والله انـى مـا قـدرت آلومـه
حسبها عقلى بكيفـه ماستطعـت ايهامـه=بس قلبـى والحنايـا خالصـه موهومـه
قدرك اللى كان فـى قلبـى رفيـع القامـه=ينـدب الخفـاق حـظ أركانـه المهدومـه
ماودى ننهى الفـراق ولا نهـد أصنامـه=رغم انه من خنجر(ن) طعناتها مسمومـه