لو ماني الأسبق فأنا أجيك الأصدق = قلبي يسابق بالتهاني لساني
خذ تهنية قلبي وبعطيك موثق = على الوفاء مهما يدور الزماني
أخاف من لذة شهَّدْ شعرك أشرق =إذا بحر شعرك بموجه غشاني
يا اللطف من النسمه ويا رق وارفق = من لمسة كفوف الرضا والحناني
أنا لباب الوصل باشعاري أطرق =عسى بفتح الباب يعمر مباني
الوقت من وجد التباريح يسرق =والعمر رحله والتواصل مواني
وأنته عن الأصحاب بالطيب تفرق = وأن على لقياك ربي هداني
أثر الجفا والبين يا صاح محرق =لكن عن وصل الوفاء ما حداني
ما دام شمس الود تغرب وتشرق = وتمضي بنا ساعاتنا والثواني
تبقى الدروب موحده ما تفرق = ويبقى بقلبي لك مدار ومكاني